Work for the Best & Prepare for the Worst

忙忙忙, 終於捱到星期六喇!

但係又好似上個禮拜咁, weekend都又要繼續做做做>>>

點忙都要上貓網睇睇, 鬆鬆氣....

見到有個貓友講貓貓腎衰竭, 即刻個心好似被人捏左一下...

呢個係波斯貓貓先天性好容易患上既病, 仲有腹膜炎同癌症, 我一直都好擔心貓貓有一日(touch wood)會有.

見到個貓友好積極問人療方, 同日常既生活飲食, 我真係覺得全身冰冷.

我覺得我身為貓奴可以做的事好有限同被動.

揀隻好D既糧喇....點知D成份有機會受感染, 食死貓狗.

生活舒適D喇....我諗無人夠傅明憲隻狗狗舒服掛, 但佢隻孟波證實有cancer.

多D留意佢生活習慣喇, 及早發現病向淺中醫....平時佢地食飲痾玩訓, 我地都打醒十二分精神留意住, 眼見可能一D好平常既事, 都有機會係大病既先兆.

有時又諗會唔會自己過份緊張呢??

但無論我地可以做既野幾有限, 我都會盡力做.

送上兩張貓地儍樣相.

後記:

今日新聞又再有寵物食物回收新聞, 繼上次所發現既糧款之後, 又再發現另一款乾糧受感染, 我一聽到乾糧兩隻字, 即刻心寒, 再見到映住hill's個logo, 心諗NC唔中, 都唔好中x/d同w/d, 好彩都唔係佢地食開既糧. 我依稀記得肥仔o個一刻仲主動捉住我隻手, 我諗我真係嚇到面都青埋.

不過, 希望唔好再有任何狗狗同貓貓有事, 希望今次回收只係以防萬一.