星期天

係一個唔知點解我又要係屋企做公司野既星期日.

當我忙到無晒心機, 淨係想踼開D野, 唔想再理o個時....

竟然俾我發現佢地兩個...

居然係度午睡....太太太過份喇...

我都頂唔順, 決定抖抖, 睇陣電視.

點知隻老虎竟然好似"貓"咁溫馴, 表現波斯貓應有既氣質, 走過黎, 挨住我隻腳...

我即刻條氣順晒, 為貓辛苦, 為貓忙啦.

跟住, 為左專心D快D做晒D野, 我困自己係房做.

但輪到亞米, 係門度喵喵喵.

一走出黎, 跟實我, 跑得又快過我, 無辦法唯有俾佢入去.

"亞米, 乖乖坐係度, 唔好上黎"



佢真係識聽我講, 全程坐係度, 望下我, 又望下周圍, 又無端端"古古"聲, 乖到死.