好得!

今日又要留係澳門, 無得返屋企, 我當然最掛心就係屋企既二貓, 又驚水兜污漕, 佢地唔肯飲; 又驚糧兜清晒, 無啖好食; 又驚眼仔污漕, 無人理; 又驚無人早D返屋企, 俾佢地嗲...

返到酒店都已經做緊最後新聞, 好攰, 但都好想知兩隻貓貓點.

點知, 肥仔話, 佢地今日好開胃, 佢開左罐罐俾佢地, 佢地食晒成罐.

吓, 會唔會食得過飽架? 平時一罐都起碼分兩餐, 會唔會有事架?

肥仔話呢隻罐細D, 應該無事, 佢地係咁食, 中間都有行開下, 不過最後都食晒.

咁係邊隻罐? 金缶? 我要認住佢狂入貨.

咁得既罐頭, 我真係好難相信, 問隻肥仔又話唔知係邊隻罐, 唔通我唔係屋企佢地就特別開胃.

好想快D返屋企, 見識下呢個奇蹟既發生.