H&M Vs Zara

因為時常經過中環站和皇后大道中, 一早已經見到那些H&M搶眼的廣告.

我都唔記得之前係倫敦有無行過H&M, 但係咁大鑼大鼓既宣傳, 點都要行一次, 如果唔係, 我又要覺得我個age group又升左一級.

今日會過海, 咁就一於去埋喇.

點知....唔係啊, 駛唔駛咁長龍呀?

H&M好巴閉咩, 唔行都唔駛死o者.

但著左好似Madonna咁型, 都可以行下既......

咁有行下three sixty.

本來想買D寵物野特別係罐頭同零食俾二貓試下, 嘩, 五十幾蚊包零食, 喂亞豬亞米, 你個貓奴未中六合彩呀, 況且佢地仲好可能串起上黎--唔食.

無野買到, 唯有再行下一直好想行既Zara.

嘩, 打到黎呀....間舖超多人, 條衫好似大減價咁, 亂晒, 周圍到係.

行下行下, 點解隔離個女仔著住既連身裙咁似掛住個條, 但佢又有條牛仔褲打底??

原來佢嫌fitting人多, 就咁係出面, 笠上面試.

跟住隔離"砰"一聲巨響.

我以為有野跌左落離.

原來我再隔離個位小姐, 嫌對鞋唔岩心水, 用力兼唔順氣dun返落個架度.

我以為個架會爛, 好彩無.

我突然之間真係唔知自己去左邊, 有D懷疑自己係深圳.