Charmmy NDSL 貼

都有一段時間無去旺角行街, 趁住今日星期五, 放左工就一於去行下喇.

其實我已經唔係旺角區既age group喇, 所以越黎越少野買到, 今次都無收獲, 但俾我見到呢樣野 -- Charmmy Kitty NDSL貼 呀!

我一見到就雙眼發光, 就算要$188買四塊貼紙都唔覺得好離譜, 個樣流晒口水, 邊個阻我買, 我會殺左佢.....

點知, 再睇真D, 塊貼係半透明, 但係我部機係黑色....咁白貓吉蒂會變黑貓??

即刻兜頭冷水倒落黎, 唯有擰轉面同自己講我無見過...

我好清楚聽到肥仔抖左口氣, 緊住話"好彩係黑色, 黑得好".

返黎上網睇, 原來仲有另一款, 但係都係俾白色機用...

我開始討厭自己買野係唔係都買黑色....