貓友仔

今日好多謝Mr. N同Ms. B, 收到一大袋貓貓用品同兩大箱罐罐, 貓地同我都好開心, 一齋拆禮物 (但肥仔話好似得我一個開心咋....)

各款貓用品同罐罐會慢慢試用同紀錄, 而家第一樣拆黎用既--貓貓砂盤踏板.

呢塊踏板都"恨"左好耐, 終於到手喇....呵呵...

一拆開, 我都未洗乾淨, 亞豬已經爭住上去驗貨.

一洗左, 都未吹乾, 佢已經等唔切, 第一件事就試下好唔好爪....(滴汗...)

跟住, 又試下好唔好訓....

佢地二貓成日都係咁, 買貓爪板俾佢地就唔玩, 但呢D網狀膠質野, 就好鍾意當貓爪板用, 個出街箱已經變左貓爪箱, 得閒就行埋去爪.