貓貓繡繡繡

係未養二貓之前, 曾經好偶然行過旺角洗衣街, 有一間好細既舖頭, 係個玻璃門度, 見到有兩隻好可愛既長毛貓貓, 企係玻璃門前望街. 推門入去, 佢地一D都唔怕人, 仲好友善咁陪住你揀野. 係o個一刻, 我先發現原來間舖頭係賣十字繡用品, 我好似發現新大陸咁, 因為我由中學年代已經好鍾意玩十字繡(因為唔駛用腦, 只係對住張圖繡繡繡, 只要唔好數錯格就得), 而且間舖頭係有好多貓樣十字繡, 同埋老闆娘係極度友善.

自此之後, 我成日都久唔久就同肥仔去呢間舖頭, 睇十字繡用品其實係籍口, 我地兩個成日都乘機睇貓貓.

後來搬左屋, 有自己地方, 我地就決定養貓貓, 但都會間中去呢間舖頭採貓.

咁佢有咁多貓樣繡繡, 而且我又成日去阻住人地做生意, 我都會幫襯下架.

呢D就係我既收藏品, 我宜家等緊機會, 我一定會整....



佢除左貓貓繡繡之外, 都有賣其他款式, 另一款我最常買既就係兔兔, 買黎孝敬花姐.

花姐年底結婚, 我今次就買左呢款孝敬佢.