黑仔

唉.

昨日公司超多野做, 但又約左貓沙送貨, 唯有托住個A3 size既file返屋企做.

返到屋企, 超眼訓, 唯有訓左先, 第二朝早D起身做.

五點鐘就中起身, 點知, 砰, 打爛左個貓貓香薰座, 個香薰座買左好耐, 未養貓前已經用佢, 好唔捨得呀!

但係成地玻璃都要掃左先, 亞肥仔見勢色唔對, 我想揾人出氣咁款, 都中起身幫手.

攪左一大餐, boot着部電腦, 準備開工做野, 果死人website神神地, 一login入去, 就boot機, 乜都做唔到, 我以前個大佬話"aconex is a joke", 係無錯架.

唯有襯boot機時間, 開洗衣機洗衫, 呢個係我可以做到既野, 但係晨早流流五點中起身, 唔通就為左洗衫???

終於入到喇, 但時候都唔早, 拿拿臨做一陣, e~~~, 過晒鐘, 唯有又"的的"返工.

咁又托住個A3 file返公司.

成日又趕趕趕做埋D野.

夜晚約左肥仔食飯, 我都好叻, 可以清左D野, 又趕得切. 諗住唔好咁衰, 做好就親手交俾人, 唔駛e喵俾佢咁串, 點知, 又領野. 俾人揸住份野哦一輪, 又話想要埋其他o個D, 今晚要, 但我班同事都走晒, 唔通要我一個留係度做咩??? 最後, 我都係諗住第二朝揾埋D同事一齋做, 但都俾人哦左成半粒鐘, 大致內容係"今晚有無", "咁聽朝九點有啦", "我聽朝一早打俾你".

亞肥仔係公司樓下等我, 勁燶面, 我都一肚氣呀, 做餐死趕起晒, 都仲想你做到三更半夜.

咁又俾肥仔屈請食飯, 又唔知邊個會理下我, 諗下我都好唔開心.