2006 倫敦 - 巴黎 之旅 <2>

去到英國希斯路機場, 真係攰度死, 全程機, 無睡過, 睇左反斗車王, 原來好好睇, 班機全滿, 仲有好多十靚歲既靚妹返英國, 坐係我隔離就係其中一個, 一上機就好唔高興我個袋放過左少少, 但又唔知自己訓著左過頭飛晒過離, 攪到我無得訓 : <

一落機, 我就怱住去揾肥仔, 佢好鬼騰雞, 一陣俾海關問多兩問, 唔俾佢入境, 我就可以去識鬼仔喇!

過左海關, 一出閘, 第一樣吸引我, 居然係 ~~

嘩! Kitty貓呀! 竟然暪住我地幫HSBC賣廣告, 賺英磅~~

雖然我地落機都係下午三點幾, 揾到酒店都係五點幾, 但天都黑晒, 我又超超超級眼訓, 咁就一覺訓都第二朝~~

但訓都中途, 竟然俾D轟轟聲嘈醒, 我瞇開眼, 肥仔話出面放煙花, 我話食飯就叫醒我, 再訓.