2006 倫敦 - 巴黎 之旅 <12>

今天係大日子, 我地去<<<羅浮宮啊~~~

今日一早就成身, 著上一早準備既低V衫, 著得靚靚去羅浮宮.

我記得我上次去既時候, 都好期侍, 特地著條裙去, 不過今次, 我唔會著裙, 雖然我已經買左對長boot同高跟鞋, 可以襯裙去, 但我今次下定決心要行晒成個羅浮宮, 都係著波鞋牛仔衭穏陣.

羅浮宮展品唔post喇, 又唔係影得特別靚, 如果想睇, 睇屋企D guidebook就得啦. 我上次去既時候, 買左一本教睇畫既書, 今次一路行一路睇, 真係好正呀, 起碼開始感受到點去欣賞.

我淨係post呢件雕塑既相, 因為係我今次行羅浮宮最鍾意既.

仲有, 唔知係唔係因為達文西密碼, Mona Lisa既保安嚴左好多, 以前俾影相(唔開閃光燈), 但而家唔俾影, 仲有三個secure睇住, 但我都見有人照影.