2006 倫敦 - 巴黎 之旅 <10>

今日我地繼續遊覽巴黎巿內景點 - 寵比度中心 同 巴黎聖母院.

寵比度, 係我指明話要去既, 我上次黎巴黎時, 都無去過, 所以今次好想去睇下.

呢個其實係地鐵月台, 佢比起其他站係現代好多, 甚至比香港既地鐵站還特別.

去完寵比度, 我地就去聖母院喇, 不過中途揾錯左第二間教堂以為係聖母院, 算啦, 當去多一個景點啦.

聖母院好體貼, 裏面已經預備左唔同語言既講解紙板, 神父一見我地, 問我地係唔係Chinese, 就俾左張中文紙板我地, 我地今次就唔駛淨係較旅行書果少少註解自己估.





經過夜遊鐵塔同凡爾賽教訓後, 肥仔怕左我再黑面, 今次話不如早兩日買定羅浮宮入場卷, 佢知道我最想去就係羅浮宮, 如果唔夠時間行, 佢實會命喪巴都, 都算佢醒目啦.

咁我地又乘機影埋玻璃金字塔夜景.

右上果條就係傳說中會震既樓梯, 邊個再叫我design條樓梯唔會震, 我就會叫佢睇下羅浮宮果條, 邊個話樓梯唔可以震架!!

佢中間仲有一部傷殘lift, 好特別架, 會好似個望遠鏡咁係地下升上黎, 我真係有衝動扮拐試下搭.