2006 倫敦 - 巴黎 之旅 <9>

今日"的"起心肝, 決心一衝凡爾賽~~

剩係識講英文係法國真係唔係太掂, 我地入錯左地鐵站, 揾唔到去凡爾賽架火車, 問個站務員, 佢淨係向上指, 但上層只係得個閘, 我地想問出左閘駛唔駛再買過票, 都問唔掂, 結果攪左一輪, 先揾到架火車.

去到凡爾賽, 嘩, 好長龍呀, 又要排隊呀, 結果我地又食風食到成三點先入到場, 趕住去睇野, 又無食到lunch.

最左果張就係果條龍.

入左場後, 好驚, 好驚睇唔晒, 如果要我再黎多一日, 又排過隊, 點都唔制, 所以不停地趕, 嘩, 撇.

好遺憾, 鏡廊翻新緊, 所以感受唔到佢既奢華, 因為咁好想睇瑪麗皇后, 希望會有講喇.

跟住, 我又趕住去睇個後花園, 一行出去, 果時四點幾, 有個閘寫住話六點鐘關閘, 呀, 會唔會趕唔切, 出返黎架, 唯有又急急腳快D行.

果然, 我地無行晒就要回頭行返出黎, 睇下天黑喇, 再唔快D行, 俾人鍞左係裏面都唔知點算, 好驚@@

最後都順利返到酒店, 攰死....