過氣東京遊 -- 序

我成日覺得日本呢個地方, 亞豬朋甲, 狗友乙, 同師奶丙, 起碼隔年都會去一次, 仲要每次都好勉強咁話, "諗唔到去咩地方, 米去"拖橋奧"濕平食野囉...", 所以我咁大個女, 先去得兩次日本, 仲要隔十年, 真係都唔應該寫咩遊記, 都唔好當新大陸俾人知喇, 可能我個樣"太天真好儍", 近呢幾個月都不停有朋友問我上次去邊度買野, 買左D物野, 叫我俾個地部佢.

好唔好彩, 我揾唔返本旅遊書, 淨係揾返本記事簿, 咁又唔想逐個答(懶!), 唯有一次過寫返晒出黎...

出發前, 最重要唔係執行李, 而係同D貓影返D相, 放係相機度, 方便每一日掛住貓地時, 可以攞出黎睇, 所以我地有時行行下會攞部相機出黎, 笑笑口咁話, "你睇米米, 豬豬幾得意...

老虎, 我地就帶下面呢張坐喼相; 而米米, 就帶左"一舊飯米"相.