聆聽

因為肥仔堅持要用張戲院贈卷, 我地到張贈卷到期日, (我)就好勉強揀一套戲, 係<軍雞>...

唔好問我套戲好唔好睇, 我淨係記得開場頭五分鐘, 我已經好想返屋企, 寧願同D貓玩.....所以我覺得D戲院係無死錯, 佢送張贈卷限你三月份用, 呢個月當然係淡季喇, 下一張係九月份用, 再下下一張係十一月份用(仲要有兩張), 希望到時有D小成本戲既好戲喇...

買飛時, 有張leaflet派, 係<大象亞鈍救細界>, 居然好吸引呀...

我唔係話想睇呢套戲...係張leaflet係有D撒瑪利亞會既建議, 我覺得寫得好好.

因為套戲既主題係尊重生命, "不論人多渺小, 人始終是人", 所以有公益金贊助, 也有撒瑪利亞會既語句.

七個有效的聆聽技巧:
1. 全心全意地關懷身邊的人, 留意他們的感受.
2. 當朋友的情緒不穏時, 盡量積極地, 耐心地聆聽.
3. 小心聆聽, 避免批評.
4. 温和地提問, 鼓勵對方從容地用自己的方法說出他的故事.
5. 雖然你未必同意對方的觀點, 也要嘗試從對方的角度思考.
6. 避免把自己的經歷套用在對方的處境.
7. 繼續聆聽.

我覺得第3, 5, 6點很合用, 我覺得自己都做不到. 努力, 努力.

所以有時候生活上的一點不如意, 也未必一定是壞事, 只少, 我睇左呢七個技巧, 我覺得比睇一套大製作有得著呢.