牛一喇, 肥仔!

話咁快, 肥仔又牛一喇, 今年未同佢慶祝(亦都未諗點慶祝....), 因為屋企多左隻貓, 就係我呢隻病貓.

因為仲要食藥, 成日都仲想瞓, 食野又想嘔, 咁佢唯有就我, 我話食乜就食乜.

咁生日糕糕就梗係...無喇. 遲D補返, 俾D時間我諗下點補祝.

相相無影, 不過揾到張三年前影架, o個時老虎剛剛黎左我地屋企, 就俾肥仔捉住佢, 同佢影生日相. 而家睇返, 亞老虎個樣真係好唔同, o個時D頸毛成個圈咁, 個樣又女仔, cute好多, 而家就...肥仔話佢似"中女".