貓友仔

潛左水一輪, 我今日終於肯行出去見下D朋友仔. 今日見呢個係由舊年十二月潛水潛到而家, 仲要係識左成廿年既老死. 最初佢話要黎我屋企採老虎(咁危險既野係佢先會做...), 最後, 俾我爭取之後, 反過來, 去佢屋企採貓.

呢位就係圓頭小姐, 係佢第一位貓成員, 佢較為內向, 成日都係靜靜地坐埋一邊.

呢位係波子先生, 波子細細個時, 曾經係我屋企住過, 好得意同精伶o架! 而家都得意, 係肥頭得意, 個腩好勁, 我見佢都唔係好願跳. 不過如果無波子, 我諗我而家都無二貓, 因為湊過波子之後, 我就有信心可以養貓貓.