老豆偏心女

好多貓友話D貓老豆通常都好偏心, 大多數啺個女多D, 我屋企果個都唔例外, 成日都淨係見佢抱亞豬, 玩又淨係同亞豬玩, 講襯亞米就一係話佢阻住佢, 一係就話亞米個身好臭.

呢排亞米唔知發生咩事, 佢本身好為食, 成日喵我地比野食, 但呢排比親罐頭佢食, 佢就食兩啖之後唔食, 我地都擔心佢唔夠飽.

貓老豆話亞米要人餵同陪食, 我聽完啋佢都傻, 唔食, 咪餓下先, 佢肚餓就自然會食, 細路仔唔可以縱壞.

點知最後個傻肥仔真係走去陪佢, 餵佢. 依依哦哦話餓死亞米. 雖然餵完, 媽媽叉叉, 話亞米好麻煩, 但睇佢個餵米樣, 又唔似好厭惡呀.