貓病圖解

自從養左佢地兩個後, 我久唔久就會去書局巡下, 睇下會唔會有咩貓新書, 一定會買既就係講貓貓心理既書, 因為Kinki既上床賴尿習慣都仲未好, 我好想睇下會唔會有其他例子, 會啟發到一D我並未發覺既問題.

上次瑪姬同我解釋Kinki粒石個騎呢位置時, 佢羅左本中文書出黎, 果本書叫"貓病圖解", 我望落去, 好似幾淺白, 同有幾多圖片. 本書係簡體字, 我當時諗應該係大陸買既, 咁揾日就揾D喜歡北上買書既fd幫我買.

點知係HKCATS裏面有位貓友非常非常非常好人(我都話養貓, 啺貓既全部都好好人^^), 主動幫其他貓友買, 我呢D無乜貢獻既人, 佢都肯幫, 仲要係元朗羅出黎, 我真係好感激佢呀.

本書係簡體字架, 好彩final year個陣, 學校要我地讀中文, 切合要返中國大陸工作既需要, 當然要學讀寫簡體字啦, 所以簡體字...嘻....一D都難唔到我. 終於有D野讀左係有用.

右面果張就係上次瑪姬俾我睇既圖, 佢話Kinki果三粒石石就係連著個膀肛果條黃色管管度(好似個感歎號果個就係膀肛), 果條管管真係好幼, 所以佢話因為咁幼, 佢唔想開刀, 因為埋口果陣條管管好有機會封住左, 到時D尿尿就會谷住係腎度, 落唔到膀肛, 咁個腎好易有事.