117洗白白

農年將至, 貓地都要洗白白預備過年.

預先係娜娜度book好左, 今次就一次過帶亞米同亞B去做士巴.


一起身, 豬豬都照慣常痴住我隻腳, 跟出跟入, 我就同佢講, "今日得你一隻貓貓係屋企喇, 要乖乖地."

唔好以為貓地唔識聽, 我食完早餐返黎, 見豬豬坐左係個舊電視頂, 高高在上, 虎視一切.

我初時都無理佢, 揾貓袋, call車.


亞米一見貓袋, 閃.

亞B一見貓袋, 好奇地聞下聞下.

豬豬繼續坐係度, 望住.


車到喇, 要捉貓入袋, 又係周圍走, 周圍揾.

豬豬繼續坐係度, 望住.


入好袋, 亞B不停喵, 亞米縮埋一舊, 我同豬豬講, "我地行黎, 乖乖地喇."

豬豬繼續坐係度, 望住.


佢全程無擔心既表情, 無意慾要閃, 要走, 無好奇.

我好覺得佢係明白佢係唔駛出去既.

見到亞米個樣, 真係好唔抵得...
佢完全係...哎, 見係你咋, 就俾你攪喇...
E~~好鬼過份!!!