Today is 米-day

點解我會揀個月曆既今日貼亞米張相? 我牛一囉!

不過, 其實我應該係29號生日, 但我book唔到, 就揀左30號.

一年裏面, 我最重視既就係自己生日, 跟住就係聖誕節(我都唔知點解, 我都唔係教徒), 所以十二月是我最鍾意既月份.

而二貓既出現係我生命裏其中一件重要既事, 我生日當然唔可以少左佢地喇.

回顧過去既日子, 我每日已經唔可以少左 米+豬 既依賴, 如果佢地對我視若無睹, 不啾不啋, 我會好唔自在, 就算返到屋企, 我都覺得個間唔係我屋企.

能夠同佢地相遇相處相愛, 一切都很微妙. 我並不是一個非常樂觀的人, 很多時候, 都會幻想有一天當我們要分開的時候........, 腦裏是一片灰, 甚麼也看不見.

我很明白那一天是會來臨, 但在這之前.... 米米 、豬豬, 你們可以對我說聲你們每天過得快樂嗎?

若我知道你們生命裏的每一天也是快樂的, 我樂意去承受那一天的悲傷.

所以, 今天, 我希望二貓能生活得快快樂樂, 我的生日也會因此而快樂.

米米、豬豬, 請祝我生日快樂!