開心果仁蛋糕

之前學開果間蛋糕學校無再開, 都隔左一段時間無去學, 成日心大心細想學, 但又唔知揀邊間好, 今次襯有假期, "的"起心肝試下.

今次學呢個叫開心果仁蛋糕, 都屬D冷門蛋糕, 呢間學校同我之前學果間好唔同, 佢唔會再教D基本功, 一開波, 我都好似倒瀉籮蟹咁, 都唔係好記得攪粉D手勢, 好彩隔離個同學, 成日都會提我, 佢仲話我知以前我學個手勢唔係咁好.

同埋呢間好多野都整定俾我地, 可能因為時間關係啦, D裝飾都係架, 所以如果係屋企整, 應該無蛋糕面D樹紋, 同果兩條朱古力帶.

仲有返黎經過香港站, 襯有相機係身, 同個哈囉吉蒂婚禮影張相. 我以為呢個只係佈置裝飾, 原來真係俾人結婚用架, 仲會有吉蒂同Daniel做伴娘伴郎添, 都幾驚.