乖巧 米

Kinki因為嘴仔損左成個星期, 都唔覺佢有好轉, 所以都唔好慳, 帶佢去睇瑪姬, 咁都係過海, 我就挑戰下我D體能, 帶亞米去娜娜度沖涼.

Kinki嘴仔原來係敏感, 同上次變"孖潤腸"同一種病原, 醫生建議改用不銹鋼兜或陶瓷兜, 如果食左藥有好轉, 就唔需要再覆診, 咁隻豬又洗左我三佰幾.

但今次想講唔係貓貓Kinki, 係米米. 去完娜娜度, 佢會有張report俾返我, 個comment係:

"....體重上升不少, 整體健康, 十分乖巧."

有相為證~~

唉, 我唔係眼花嗎? "乖巧"?? 平時係屋企抺眼, 剪指甲, 撐得我最緊要就係亞米, Kinki次次都好乖, 任我舞. 唉, 肥仔話亞米係男仔, 梗係揀D靚女黎痴, 我呢D, 聽食佢隻"屎腳"兜巴掌喇 :(

娜娜問我啺邊隻多D, 我真係唔知點答, 好行咁話兩隻都啺, 佢話唔得, 只可以揀一隻, 如果兩隻跌落水, 救邊隻? 啊, 救命啊, 我真係兩隻都好啺, 點答啊!