尿尿又有事喇! (多謝瑪姬醫生~~)

我終於知道kinki係咩事.... 佢原來有三粒石係輸尿管道, 係腎之後, 未到膀肛前, 醫生話而家開唔到刀幫佢羅, 因為輸尿管好幼, 個手術好復雜同危險, 唯有等D石落左膀肛度, 先幫佢開刀羅. 而家唯有等, 可以做既野, 就係要令kinki飲多D水, 咁會幫助沖D石落膀肛度. 而家都唔知點解佢會有咁多石, 要等醫生羅左出黎, 驗左先知..... 亦都唔知再可以做D物幫佢, 佢要食處方糧, keep照x-ray, 我都好想快D幫佢羅D石出黎, 等佢去廁所會舒服D....但連醫生都講唔到要等幾耐, 個零禮拜唔定, 一年都沖唔到都唔定.... 我唯有安慰自己, 好彩發現得早, 個腎未有事(因為塞左輸尿管都會影響個腎), 當初, 無諗過原來kinki咁唔舒服, 以為佢成日係床痾尿(都痾左有年幾), 係因為心理問題, 有野要抗議, 估唔到原來咁大件事....